Serenátape lo mitã letra

Mokõi mbarakapumíndie
Morotîva ñasãindýpe
Purahéi joyvy asýpe
Ajumi romyangekói
Mborayhúnte ndajokói
Che ñe'ãre opovyvýva
Kuñami ndéicha ijukýva
Ndahechávai che mokõi

Peteî teî ahendúma
Gallokuéra osapukáiva
Ha estrellakuéra ováma
Hi'ãguî ko'êmbota
Ha ndépiko, che kamba
Ãichaite ndepy'ahatãva
Ajeve nerepu'ãiva
Sapy'ami rohecha

Amóina pe mombyry
Kuarahy resê rapére
Ohesapéma yvy ápere
Nde resa joguahaite
Upe lucero ko'ê
Ne ma'êndie ndojoavýiva
Ndaikatúigui ndoguejýiva
Ndereraha hendive

Ahajeýtama che
Mombyry che rekoháre
Araháta chepy'ápe
Ne ñaña rasy pore
Ojahéivo cherehe
Oikova'erã che ñe'ãme
Nderesêigui cherendápe
Rohechamínte jepe

Dúo A Lo Yma Rojas–Jiménez - Letras

• Cardinálpe Serenata
• Ema'êntena Ipaha
• Ko'ag̃aite Peve Rohayhu
• Mamópa Reime
• Serenátape lo mitã
• Súplica de amor
• Vy'a Rire